1. ENTREGA DE PREMIOS DO II CONCURSO PEGADAS DE RELATOS CURTOS.
Durante a xornada do serán do venres 28 de Maio celebrouse a entrega de
premios do II Concurso de relatos curtos en galego, que organizou o noso xornal
comarcal, “Pegadas” para alumnos e alumnas de todos os concellos da comarca do
Eume que esteñan estudando en educación Primaria, en E.S.O, ou en Bacharelato. No
noso colexio premiáronnos a tres persoas pero só eu puiden ir a recoller o premio cos
meus pais. A directora da escola, Miriam, tamén asistiu ao acto en representación da
escola e recolleu os premios correspondentes ás dúas alumnas que non puideron asistir
ao acto. Houbo moitos premiados, a maioría dos colexios de Pontedeume, pero tamén
fomos premiados alumnos/as do resto da comarca. Reunímonos moita xente na
biblioteca municipal de Pontedeume (que foi onde se celebrou a entrega) que, como din
os marcapáxinas da biblioteca e o propio bibliotecario, Alexandre, “estamos no corazón
da vila”.
A entrega celebrouse do seguinte xeito: primeiro entregaron os premios da
categoría de educación Primaria; logo, entregaron os premios da categoría de
Secundaria (E.S.O) e Bacharelato; finalmente, entregaron os premios por sorteo (de
todas as categorías).
*Coa entrega dos premios, expresábase a opinión do xurado respecto ao texto
citado, o título e o carácter deste.
*Os tres primeiros textos gañadores sairán a partir do mes de xuño no xornal
“Pegadas”.
*Os gañadores do noso colexio somos os seguintes:
-Noelia Deibe, de 4º de E.S.O; gañou un premio por sorteo.
-Anaís Buyo, de 2º de E.S.O; gañou outro premio por sorteo.
-Antonio González López, de 1º de E.S.O; gañei o 3º premio.
*No principio e no final do acto agradeceron a participación das máis de 100
alumnos/as que participaron no concurso. Eu, persoalmente, animo a toda a xente a que
participe na próxima edición; xa que se poden gañar fantásticos premios e espertar o
talento de posibles futuros artistas escritores. Debo engadir que hoxe en día hai moitas
posibilidades e facilidades para convertirse neso: as altas tecnoloxías, o dereito a unha
educación gratuíta (polo menos no noso país) e o propio concurso premiando os
traballos con cousas moi boas:
-1º premio: un miniordenador portátil.
-2º premio: un MP4 (E.S.O e Bacharelato). E unha cámara dixital (Primaria).
-3º premio: unha memoria USB de 8 GB, (xigas) dous libros, (“os lobos de Moeche” e
“GAME OVER”) dúas libretas, un dicionario de Inglés-Español; unha caixa cunha
pluma estilográfica, un bolígrafo e un reloxo-espertador e unha carpeta de pel con
clasificador.
*Achego as seguintes imaxes da entrega de premios, que, aínda que poucas, resumen un
pouco a entrega.