Blogak Irakaskuntzan (HIKHASI 2006)
•Télécharger en tant que PPS, PDF•
0 j'aime•550 vues
HIKHASI 2006ko bigarren egunean erabilitako aurkezpena
![[object Object],[object Object],[object Object],[object Object]](data:image/gif;base64,R0lGODlhAQABAIAAAAAAAP///yH5BAEAAAAALAAAAAABAAEAAAIBRAA7)
Contenu connexe
En vedette
En vedette (20)
Similaire à Blogak Irakaskuntzan (HIKHASI 2006)
Similaire à Blogak Irakaskuntzan (HIKHASI 2006) (11)
Plus de Jokin Lacalle
Plus de Jokin Lacalle (20)
Blogak Irakaskuntzan (HIKHASI 2006)
Notes de l'éditeur
- Sarrera: Tresna (bloga) gure eskutan dugu. Zer egin dezakegu tresna horrekin gure ikasleekin? Arestian aipatu dugun bezala, blogak euskarri multimedio dira eta, bertan, baliabide ezberdinak erabil ditzakegu gure helburuak lortzeko. Aukerak oso zabalak izanik, eta norberaren errealitatea, baliabideak, ezagutza eta beste faktoreen arabera, gauzatzen direnak. Horregatik, gure saio hauetan adibide batzuk erabiliko ditugu egin daitekeena azaltzeko. Zuen lana izango da faktore ezberdin horien arabera, asmatzea hautatutako bidearekin edo lanarekin. Hizkuntza idatziari dagokionez, tresna baliotsua izan daitekeela pentsatzen dugu. Gainera, gero ikusiko dugun bezala, modu ezberdinez plantea daiteke.
- Honi buruz aritzeko jarraituko dugun eskema honako hau izango da: Hizkuntza idatzia lantzeko identifikaturiko arazoak Arazo horiei aurre egiteko blogen ekarpena (ez da bide bakarra) Planteatzen zaizkigun zailtasunak Kasu praktikoak aztertu eta komentatu.
- Has gaitezen, bada, irakasleok topatzen ditugun ohiko arazoak: Ikasleentzat lan neketsua eta zaila izaten ohi da. Baita erraztasun handiagoa dutenentzat ere. Oso ikasle gutxi izaten dira gustukoa dutenak. Paper zuriaren aurrean bertigoa ohiko sentsazioa da. Ia estrategia guztiak erabiltzera behartuta gaude ikasleak horretan jartzeko. Irakasle orok zailtasunak ditugu gure ikasleen motibazioa sutatzeko garaian. Estrategia ezberdinak erabiltzen ditugu, baina oso gutxitan lortzen dugu gure helburua. Ikasleen pertzepzioa derrigortutako lanarena da. Hau da, ez dute gogoko eta egiten dute derrigortuta sentitzen direlako.
- Egindako lana ikasle eta irakasleen artean gelditzen da. Beste inora ez doa. Hau da, ikasleak irakaslearen feed-backa jasotzen du, ez beste inorena. Beste arazo larri bat izaten da lanaren kalitatea. Deigarria da ekoizpen idatzien inguruan irakasleok azaltzen ditugun kezkak eta frustrazioak. Beraz, ikasle nahiz irakasleok ez gaude oso gustura egiten dugunarekin.
- Euskarri digitala erabiltzeak lanari beste ikuspegi bat ematen dio, nahiz eta, funtsean, lan berdina egiten den. Zalantzarik gabe, ikasleak askoz ere motibatuta daude lanketa honekin. Idazleak edo kazetariak sentitzen dira.
- Ekoizpen guztiak publikoak dira, horrek suposatzen duenarekin. Feed-backa ez da bakarrik irakaslearengandik jasotzen. Zalantzarik gabe, ikasleak askoz ere motibatuta daude lanketa honekin. Idazleak edo kazetariak sentitzen dira.
- Blogen inguruko lanketa hau ez da arazo guztiak konpontzera datorren tresna berri bat. Orain arte erabili ditugun beste estrategiak indartzera datorren tresna bat besterik ez da. Lanketa hau aurrera eramateko zailtasun ezberdinen aurrean aurki gaitezke: Baliabide egokiak beharrezkoak dira. Adibidez, lanketa hau egiteko beharrezkoa da ordenagailu bat izatea ikasle bakoitzeko. Bi ikasle ordenagailu bakoitzeko izanez gero, oso zaila egiten da lanketa. Batez ere nerabeen kasuan, SMS delako hizkeraren eraginari aurre egitea oso zaila egiten da.Erregistro formala eta informala bereiztearen garrantziaz jabetu behar ditugu. Kopiatu eta itsatsi egiten ahalegintzen dira. Hori saihesteko Copyscape azaldu eta gure ikasle bati gertatutakoa azaldu. Blogen lanketa sakona eginez gero, denbora dezente eskaini behar diogu. Hori bai, gratifikazioa handiagoa da eta merezi duelakoan nago.
- LHko kasu honetan, helburua ez zen hizkuntza idatzia lantzea, baina zeharkako helburu bezala planteatuta, gauza interesgarriak lortu dira. DBHko kasua oso berezia izan da. Helburua LHn bezala, beste bat zen, baina euren ekoizpenak ikusita, DBHOko ikasleekin proiektu bat abian jarri genuen eta emaitza ezin hobea izan zen. Batxiko ikasleekin proiektu ezberdinak jarri genituen martxan eta bi adibide jarriko dizkizuegu: Blog pertsonala egin zutenekin (DBHO 1) kasu berezia gertatu zitzaigun (Gonzalo) Ikasgai bat (Euskara) lantzeko tresna bezala DBHO 2an. Irakaslearen balorazioa eta ikasleena irakurtzea nahiko da emaitza zein izan den jakiteko.
- Horregatik, irakaskuntzan garrantzia hartzen du. Bereziki, ikasleek komunikazio beste bide ezberdinak ezagutu eta esploratu ditzaten. Hemen, argazkien ikuspegi teknikoa aztertzeko betarik ez daukagu eta zuzenean, gure ikasleekin egin dezakegun lanketara joango gara. Bukatzeko, egun sarean argazkiak kudeatzeko, gordetzeko, partekatzeko… dagoen zerbitzurik hedatuena ezagutuko dugu.
- Denbora gutxi daukagunez, argazki nobela bat gure blogean jarriko dugu. Horretarako 15 minutu besterik ez dugu. Gehienez ere 4 argazki erabil ditzakegu. Eta proposaturiko bi gai horietako bati buruzkoa izan beharko du. Lanketa egin ondoren, komentatuko ditugu egin daitezkeen beste lan batzuk: Lan teknikoa: efektuak, konponketak, montajeak …. Sormen lana: Ateratako argazkiak erabiliz, beste gai bati buruzko nobela osatu, argazki nobela bat baino gehiago elkartu eta istorio berri bat osatu… Soinua txertatu…(Slidestory)
- Web 2.0 delakoaren argazkien “erregea” dugu Flickr. Bertan argazkiak gorde, partekatu, sailkatu, antolatu, bilatu, etiketatu, komentatu… egin daiteke. Gainera, bere API publikoa erabiliz, hainbat eta hainbat aplikazio sortu dira sarean argazkiak webgunean aurkezteko, mapetan kokatzeko, Dohaineko zerbitzua eta ordainduta aukera gehigarriekin. Ikus tutoriala. Ikus bideotutoriala
- Gaur egun, ahozkotasunari berebiziko garrantzia ematen zaio eta era askotako ahaleginak egiten ari dira aho hizkuntza indartzeko gure ikasleen artean. Alor honetan ere, blogek euren ekarpena egin dezakete. Nola? Podcast izeneko baliabidea erabiliz. Hemen, azpimarragarria da Lurdes Barrosoren lana bere kontzeptu maparekin eta barneko bideotutorialak ODEO eta AUDACITYri buruzkoak. Baita bertan dauden beste esteka interesgarriak ere non praktika ezberdinak ikus daitezkeen.
- Urteko Hizkuntza Planean edota Unitate Didaktikoetan aurreikusitako lanketak aurrera eramateko, baliabide ezberdinak erabili ohi ditugu: eskola irratia, telebista, bertsolaritza, gelako beste jarduerak (irakurketa ozena, jende aurreko azalpenak…) … Podcast-ak laguntzera datoz zeregin horretan. Azken finean, podcast bat zer da?
- Podcast da MP3 (kasu gehienetan) fitxategiak RSS jarioaren bidez zabaltzea. Honek entzuleari harpidetzeko aukera eta fitxategia jaisteko aukera ematen dio. Azken finean, harpidetutako aldizkari baten antzekoa da. Ezberdintasuna da informazioa soinuen bidez jasotzen dugula. Zer egin dezakegu? Sistema ugari topa ditzakegu sarean. Guk ODEOrekin probatuko dugu.
- Praktika bat egingo dugu.
- Irudiek egundoko indarra dutela esaten genuen argazkiak aipatzerakoan, bada are handiagoa da irudi horiek mugimenduan direnean eta soinua itsatsita dutenean. Irakaskuntzan asko erabili dira besteen ekoizpenak (bideoak, pelikulak, dokumentalak…) ikasleekin lan batzuk burutzeko. Ekoizpen gastuak handiak ziren eta produkzio lana oso zaila. Gaur egun, ekoizpena oso merkea da eta edizio lana asko erraztu da. Oraintxe bertan gure lankide batzuk ari dira bideo editatzen ikasten. Oinarrizko erabiltzaile batentzat oso erraza da lanketa hori eta, adibide gisa, esan gure 10-11 urteko ikasleek arazorik gabe eta bi orduko bi saioetan egiten dutela.
- Orain arte aipatutako ezaugarri guztiak laburbiltzen dira bidegintzan. Baina horietaz gain, badira beste gauza batzuk lantzen direnak, hala nola: Dramatizazioa (gorputz adierazmena) Sekuentziaren kontzeptua (denboraren antolaketa) Azken atal honetan erreparatuz gero, arazo baten aurrean topatzen garela ohartuko gara. Ikasleek filma antzerkia bailitzan ikusten dute eta montajeak egiten hasi bitartean ez dira ohartzen honetaz. Horretaz gain, bideoen iraupena ezin da izan oso luzea sarean jartzeko, beraz, historia sintetizatzeko ariketa bat egin behar izaten dute. Gaur egun, eta Youtube, Vimeo, Google Video… bezalako zerbitzuei esker, edonork jar dezake bideo bat bere blogean. Hala ere, badira blog batzuk horretan espezializatu direnak eta bideoak besterik ez dute eskaintzen.
- Youtube sarearen “fenomeno” bat izan da. Duela urtebete, gutxi gorabehera, sortu zen eta denbora horretan “jaun ta jabe” egin da bideoen munduan. Hori azaltzeko arrazoi asko egon daitezke baina nik hiru aipatuko nituzke: dohaineko zerbitzua da, ez du mugarik jarri (orain bai, Max file size: 100 MB. Max length: 10 minutes. enpresa batzuen presioa dela medio) eta oso erabilerraza da. Bideoak sailkatzeko eta antolatzeko aukera oso ona (etiketak, kategoriak, taldeak…) eta partekatzeko aukera guztiak. Edonork jar dezake bere gunean edozein bideo. Bideoek hartzen duten bolumenarengatik, hosting-en mamua dira. Horregatik, horrelako zerbitzuen arrakasta. Ikaragarria da bideo batzuek lortzen duten oihartzuna eta enpresa asko hasi dira hori erabiltzen hasi direnak. Batzuek (NBC) kontratua sinatu dute.
- Gure blogean argitaratzen dugunari “social Bookmarking” izeneko tresnen bidez, balio erantsia ematen diogu. Gure irakurleek, klik bat edo batzuk eginez, gaiarekin zerikusia duten informazio asko lor dezakeelako eta klik bat eginez, zure informazioa zabaltzeko aukera ikaragarria duelako.
- Etiketak jarriz, sarean dagoen informazio erraldoi hori antolatzen eta ordenatzen laguntzen dugu. Erabiltzaileon mesedean. Gainera, gisa honetako etiketak jarriz gero, gure mezuak irakurtzen duen edonori, klik baten trukean, gaiarekin zerikusia duen informazio esanguratsua eskura jartzen diogu. Erabiltzaileok horrelako aukerak eskertzen ditugu, asko errazten baitigu informazioaren haria jarraitzea. http://www.egmstrategy.com/ice/tag-generator.cfm helbidean lor daitezke etiketak modu erraz batean. Ematen digun kodea kopiatu eta gure idatzian sartu besterik ez dugu egin behar.
- Social links jarriz gero, gure informazioa irakurleen esku uzten dugu eta interesgarria suertatzen bazaie, eurek arduratuko dira zabaltzeaz. Euskal Herrian, Zabaldu.com dugu horren adibiderik garbiena. Gainera, gure irakurleek interesgarritzat jotzen badute gure informazioa, klik bat eginez euren bookmark-etan gordetzeko aukera ematen diegu. Horrek, aldi berean, gure informazioa mundu mailako bookmark batean jartzen duelarik. Horrek garbi uzten digu zein garrantzitsua den informazioa partekatzearen kontzeptua. Hemen denok gara irabazle: blogaria bere idatziak zabaltzen direlako eta jende gehiagorengana iristeko aukera duelako eta irakurlea modu erraz batean interesgarria iruditu zaion informazioa gordetzeko aukera duelako. Beste guneak: Digg, meneame, del.icio.us, technorati, blinklist, furl…
- Gaur egun, programazioaz ezer gutxi jakinda ere, gauza asko erabil daitezke gure blogean jartzeko. Zerrenda amaiezina izango litzateke, baina ohikoekin geldituko gara. Kode pusketak eginda bilatuko ditugu eta gure lan bakarra, kopiatzea eta itsastea izango litzateke.
- Zerrenda amaiezina da eta batzuetan zentratuko gara: Estatistikak: Statcounter Argazkiak: Flickr, slideshow… Mapak: Tagzania, Google maps, Tag Cloud: del.icio.us … . Ñblog, WWWhat's new?, Snipplr, widgetoko, Lifehacker, eHub, Snipperoo…