ესკიზნოტირება განათლებაში მეთოდის გამოყენება ხელოვნების გაკვეთილზე
1. მეთოდის „ ესკიზნოტირება განათლებაში“ გამოყენება სახვითი და გამოყენებითი ხელოვნების გაკვეთილზე
სასწავლო პროცესის გამრავალფეროვნების ,მოსწავლეთა ჩართულობის ,მათში სხვადასხვა უნარების
განვითარების მიზნით, მნიშვნელოვანია სწავლა სწავლების პროცესში სხვადასხვა ინდივიდუალური მიდგომების
დანერგვა და გამოყენება .მრავალფეროვან მეთოდებს შორის საინტერესო მეთოდია „ ესკიზნოტირება განათლებაში „.
აღნიშნული ინოვაციური მეთოდის გამოყენებით მოსწავლეებს საშუალება ეძლევათ მოსმენილი, წაკითხული და
ვიზუალურად ნანახი მასალა გააერთიანონ და ესკიზების(ჩანიშვნების) გზით შეძლონ გადამუშავებული ახალი
მასალის წარმოდგენა. მეთოდი ეხმარება მოსწავლეებს ყურადღებით მოუსმინონ, ისწავლონ ან განიხილონ და
ასწავლონ სხვებს ის ,რაც გაიგეს მოცემული თემის შესახებ .მისი გამოყენება ხელს უწყობს კონცენტრირებას ,ხილულს
ხდის აზროვნებასა და ხაზს უსვამს მოსწავლის კრეატიულობას .
როდის ვიყენებთ მოცემულ მეთოდს?
თავდაპირველად მოსწავლეებს აუცილებლად უნდა ვაჩვენოთ „ ესკიზების“ ნიმუშები, რათა მიხვდნენ რას
ვითხოვთ მათგან და მოვიპოვოთ მათი ნდობა. ამის შემდეგ ახალი მასალის ახსნისას ვთხოვოთ ჩახატონ ,ჩანიშნონ
,ჩაწერონ მნიშვნელოვანი საკვანძო სიტყვები ,წინადადებები ,გამოიყენონ ვიზუალური მინიშნებები .მოსწავლეებს
აქვთ სრული თავისუფლება შექმნან ესკიზები, რომლებიც შეესაბამება მათი სწავლის სტილსა და პიროვნებას.
სასურველია მოსწავლეებმა იცოდნენ ,რომ ესკიზის მნიშვნელობა არ არის ნახატის ხარისხში. მნიშვნელოვანია მათ
მიერ შესწავლილი ინფორმაციის გაერთიანება და გამთლიანება .
გთავაზობთ ჩემ მიერ აღნიშნული მეთოდის გამოყენების მაგალითს სახვითი და გამოყენებითი ხელოვნების
გაკვეთილზე.
გაკვეთილის თემა :ანტიკური რომაული არქიტექტურა
მიზანი მოსწავლეები გაეცნობიან ანტიკური რომაული არქიტექტურის ნიმუშებს, იმსჯელებენ მის მახასიათებლებზე
თემასთან დაკავშირებული საკვანძო შეკითხვა :რა მხატვრული მახასიათებლებით გამოირჩევა ანტიკური რომაული
ხელოვნების არქიტექტურის ნიმუშები?
თემასთან დაკავშირებული მკვიდრი წარმოდგენები: ხელოვნების ნიმუშებში გამოყენებული მხატვრული
საშუალებების, ხერხების, მხატვრული მახასიათებლების ამოცნობით ნამუშევრები შემიძლია რომელიმე
ეპოქას/კულტურას მივაკუთვნო
გაკვეთილის საწყის ეტაპზე მოსწავლეებს გავაცანი გაკვეთილის თემა ,მიზანი და შეფასების რუბრიკები
.რომლის შემდეგაც წინარე ცოდნის გააქტიურების მიზნით კლასში დავსვი სხვადასხვა სააზროვნო დონის შეკითხვები
და კითხვა პასუხის რეჟიმში შევძელი მოსწავლეთა ფონური ცოდნის გააქტიურება. ამის შემდეგ
მოსწავლეებს გავაცანი აქტივობის ესკიზნოტირება განათლებაში მიმდინარეობა და ვაჩვენე მათ ვიზუალური ნიმუში
თემაზე ანტიკური ბერძნული არქიტექტურა ,ამით მოვიპოვე მათი ნდობა და გავზარდე მოტივაცია, რადგან მათთვის
ნიმუშის ჩვენებით უფრო ცხადი გახდა თუ რას მოვითხოვდი მათგან .ვთხოვე მოსწავლეებს მაქსიმალური
მობილიზება და შემდგომ აქტივობებში ,ახალი მასალის გაცნობისას , ტექსტის, ნანახის, მოსმენილის გაანალიზებისას
დაეხაზათ/დაეხატათ სურათები, გაეკეთებინათ მოკლე ჩანაწერები ,გამოეყენებინათ სხვადასხვა პირობითი ნიშნები
და სიმბოლოები ,მოეხდინათ კონკრეტულად ამ გაკვეთილზე გააზრებული, ინფორმაციის ერთგვარი ვიზუალური
გამთლიანება.
ამის შემდეგ მოსწავლეებს ვაჩვენე ვიდეორგოლი ,
https://www.youtube.com/watch?v=h6dkadxtvIY
https://www.youtube.com/watch?v=QZTplONK7f4
https://www.youtube.com/watch?v=KaY8zqYfQI0
https://www.youtube.com/watch?v=oGmRHMAKA3s
რომელსაც პერიოდულად ვაჩერებდი და ვსვამდი დამაზუსტებელ , დამაკონკრეტებელ შეკითხვებს . თან
ვაკვირდებოდი მათ მუშაობას რას ინიშნავდნენ ,რას ხაზავდნენ და ხატავდნენ . შემდეგ , ვთხოვე მათ წყვილებში
ემუშავათ სახელმძღვანელოში მოცემულ მასალაზე და უკვე იქ მოცემული ტექსტიდან გაეკეთებინათ „ესკიზები“.
ბოლოს მოსწავლეებს მივეცი 1 წთ გადაეხედათ თავიანთი „ესკიზებისთვის“,ხომ არ სურდათ მასში რაიმეს დამატება
და მათ ინდივიდუალურად წარედგინათ კლასის წინაშე თავიანთი ნამუშევრები,ესაუბრათ ანტიკური რომის
არქიტექტურის მახასიათებლებზე.
აღნიშნული ინოვაციური მეთოდის გამოყენებით მოსწავლეებმა შეძლეს მოსმენის, აზროვნების ,ვიზუალიზაციის
გაერთიანება და სწავლის პროცესის სხვა განზომილებიდან დანახვა. აღმოჩნდა, რომ მოსწავლეებს კარგად ჰქონდათ
ანტიკური რომაული არქიტექტურის ძირითადი მახასიათებლები დანახული და გააზრებული. მათი ნამუშევრები იყო
განსხვავებული და ორიგინალური ,იგრძნობოდა მოსწავლის ინდივიდუალური ვიზუალური ხელწერა .
მუშაობის პროცესი
2. ბოლოს მოსწავლეთა აქტიური ჩართულობით შევაჯამე გაკვეთილი, გამოვყავით რა ისწავლეს, რა გაიგეს ამ
გაკვეთილზე რამდენად მოეწონათ გამოყენებული მეთოდი და ისურვებდნენ თუ არა სხვა დროსაც ამ მეთოდის
გამოყენებით გაკვეთილის ჩატარებას
გამოყენებული ლიტერატურა
https://www.readingandwritinghaven.com/how-to-get-started-with-sketchnotes-in-the-classroom
https://verbaltovisual.com/sketchnoting-in-the-classroom/