1. KORRIKAren TRANSBIDEAK
Korrikaren transbideak hamaika izan daitezke. Korrika, gertaera garrantzitsua da
euskaltzaleontzat, batez ere Euskal Herrian, baina baita disporan ere. Eta inplikazio emozionala
oso handia da. Faktore horiek joko zelai emankorra osatzen dute. Ez da audientziaren bila abiatu
behar, urteetako lanketaren emaitza da, hortaz, abiapuntutik bertatik badago.
Eta targeta zabala da > haur, gazte, heldu, zahar, gizon, emakume, ikasle, langile, langabetu....
euskaltzale. Target hori segmentatu egingo da transmedia produktuak garatzean, hots,
transmedia produktu zehatz baten garapenak berak segmentatuko du targeta. Esaterako,
bideojoko bat plazaratuz gero, bere audientzia potentziala eta Korrikarena ez datoz guztiz bat,
audientziaren zati bati bideratutako produktua izango da. Produktu batzuk audientzia jakin
batentzako garatuko dira eta beste batzuk, beste segmentazio bat izango dute. Segmentazio
hori kontuan hartzea komeni da ahalik eta euskaltzale gehienengana iristeko transbideak
lantzeko.
Halaber, Korrika berez da transmedia. Ekimen fisikoa da, 10 eguneko lasterketa eta parte hartze
handia du ezaugarri. Aldi berean, euskararen aldeko festa erraldoi batekin hasi eta amaitzen da,
maila handian (bere osotasunean) eta maila txikian (herrizherri). Gainera, Korrika kulturalak
hainbat ekimen paralelo gehitzen dizkio eta horrez gain, korrika txikiak, dispora, lehiaketak,
publizitatea, erropak, webgunea, sare sozialak, bideoak, abestia... elementu ugari ditu
dagoeneko.
Guzti horiek transmedia kontzeptuaren betaurrekoak jantzita begiratu eta bide horretan
proposamen berriak egitea du helburu txosten honek.
“ Plataforma bakar batean soilik sartzen ez den mundu narratiboa da transmedia. Mundu
narratibo horrek hainbat plataforma eta formatutan hedatzeko beharra dauka, istorioak
berak hala eskatzen duelako. Transmediaren emaitza edota lorpena, narratiba osoa,
sakona, integratzailea eta parte hartzailea izango da. ”
Henry Jenkinsen Convergence Culture liburuan aipatzen den definizioa.
Jenkins ‘transmedia storytelling’ terminoa hedatzearen arduraduna da.
2. 18. KORRIKA > TRANSMEDIA PROPOSAMENAK
1 BIDEOGINTZA
Korrikak bideo asko sortzen ditu beti eta 18. edizio honetan are gehiago. Alde batetik, Korrikak
berak sortzen dituen ikusentzunezkoak daude eta bestalde, erabiltzaileek egiten dituztenak.
Gero eta gehiago gara gure mugikorrarekin argazkiak atera eta bideoak grabatzen ditugun
erabiltzaileak eta gehienok, sare sozialen bidez partekatzen ditugu irudiak. Beraz, aurten,
norbanakoen argazki zein bideo produkzioa ikaragarria izango da eta sortze espontaneo hori
bideratu eta 18. Korrikaren orbitan batzeko ahalegina egin beharko litzateke. Bide horretan,
Youtubeko ‘Korrika TBa’ kanala euskarri egokia da. Bertan, 18. Korrikak ekoitzitako bideo
guztiak batuko dira eta noski, horiek sare sozialen bidez partekatuko dira. Aldi berean,
erabiltzaileek sortutakoaren ohiartzuna egin beharko da sareetan. Social Media atalean aipatzen
dira sare sozialetako estrategiarako proposamenak. Eta gauza bera argazkiekin, baina Youtube
erabili beharrean aurreko edizioan bezala, Flickr erabilita.
18. Korrikarako sortuko diren bideoak. Aurreko edizioetan egindakoak eta proposamen berriak
batuta ageri dira:
BIDEOKLIPA
Urtero, Korrikaren kantuarekin bat bideoklipa ere grabatzen da. Aurtengo abestia Esne Beltza
taldeak egingo du. AEKren ardura.
DOKUMENTALA
Urtero egiten den dokumental ofiziala. Aurrekoan Mondragon Unibertsitateko ikasleek egin zuten,
aurten? AEKren ardura.
DOKUMENTAL FALTSUA
Urtero egiten den dokumentala erreala izan ohi da eta ez da inoiz fikzioa gehitu. 18. Korrikari
fikzioa gehitzeko modua litzateke dokumental faltsua egitea.
Gai posibleak: ‘Eman euskara elkarri’ leloa, euskara ikaslea aurtengo omendua, azken
mezuarekin zerbait.
BIDEO INTERAKTIBOA
Hartzailea pasibotasunetik ateratzeko modua da bideo interaktiboa. Bideoari play eman ondoren,
istorian zehar, hainbat aukera burutu beharko ditu ikusentzuleak. Oso ikusgarria da formula eta
gainera, biralizatzeko aukera asko ditu.
3. Tankera honetako bideoak hainbat motatakoak izan daitezke, hona erreferentzia batzuk:
● Aukera asko, gertaera asko : http://www.youtube.com/watch?v=eQtai7HMbuQ
edo orrialde honetako proiektuak http://interlude.fm/
● Mapak : http://thewildernessdowntown.com/
● Margotzeko aukera : http://theknightofwands.com/
Bideo interaktiboetan, ohi bezala, istorioa da garrantzitsuena. Kontakizunak ikusentzulea
hasieratik lotu behar du eta bideoaren aukerak oso ondo diseinatu behar dira aukeraketa
dibertigarria izan dadin; arina, dinamikoa eta freskoa izan behar da produktua, ikusentzunezko
gynkana bat.
Bideo berri bat sortu edo 18. Korrrikaren bideoklipa bera interaktibo bihurtu? Bideoklipak abesti
bat dauka, hortaz, kantuaren letrak baldintzatzen du istorioaren osaketa. Horregatik eta produktu
osagarriak sortze bidean, beste bideo bat sortzeko hautua egitea litzateke onena. Hori bai, bideo
berri honen mezua ere 18. Korrikaren bera izango da: Eman euskara elkarri. Mezuaren
promozio bideoa izan daiteke.
Bideorako ideiak :
● Omendua euskara ikaslea denez, euskara ikaslea protagonista hartuta osatu daiteke
kontakizuna. Bere egunerokoan euskararen inguruan hartzen dituen erabakien inguruko
istorioa. Esaterako, hasieran hiru protagonista daude eta erabiltzaileak bat aukeratuko du.
Edo protagonista bakarra baina hiru testuingurutan. Hasiera honek, behin bideoa
amaituta hasierara joan eta beste bideak probatzeko grina eragingo du.
● Korrika lasterketa bat denez istorioa oztopo lasterketa bat izan daiteke eta ikusentzuleak
protagonista lagundu beharko du. Esaterako, korrika bihar hasiko da eta lekukoaren
zaindariari lapurreta egin diote, lekukoa bilatu beharra dauka, bidean hainbat oztopo.
Lapurreta egin dionaren atzetik korrika irten eta hainbat erabaki eta gero lekukoa lortu.
Edo bere ohean esnatzen da eta ez da lekukoa ageri. Atzera egin eta atzo zer egin zuen
oroitu, nola azken momentuan berak galdu zuen, hortaz, hartzaileak bart gauekoa
kamera arinean ikusi eta gero, protagonistak bart hartutako erabakia aldatu beharko du
baina horrek, ondorengo erabakietan ere aldaketak eragingo ditu.
Alde teknikoa : Ez dut tankera honetako euskarazko bideo interaktiborik ezagutzen, balego,
gustora jasoko nuke erreferentzia. Interneten piskat saltseatu eta gero, teknikoki, garatzeko
erraza dela deritzot. Flash formatua ekidinda, bideo interaktiboa garatzeko bi bide:
● Youtube bidez : Youtube bideo plataformak bideo interaktiboak sortzeko aukera
eskaintzen du. Gure azken produktuaren bideo pieza guztiak Youtube kontura igo behar
ditugu lehenik eta behin denak bertan ditugula, euren arteko loturak egin.
● Html5 formatura egokituta : Flixmaster erabilita. Html5era egokitutako bideo interaktiboak
4. sortzeko tresna da, bere doako bertsioak aukera asko eskaintzen ditu.
Kronograma :
● Noiz publikatzeko? Urte hasieran, 2013ko urtarrilean. Horrela, bi hilabete izango ditu
bideoak promoziorako. Data honen arabera zehaztu beharko dira aurretik eman
beharreko pausuen epeak.
● Urratsak:
Bideoaren kontakizuna diseinatu + bideoaren egituraren storyboarda osatu
Grabaketa
Edizioa
Proba
Nork egin dezake? :
● Korrikaren bideoak aurreko urteetan nork sortu izan ditu? Horietakoren batek : Bideoklipa
egiten dutenek? Spotak grabatzen dituztenek?
● Hedabideren batek : Eitb? 11TB?
● Unibertsitateko ikasleek : Multimedia komunikazioko ikasleek?
● Profesionalek : Logela multimedia?
2 Gamifikazioa
Ingurune ez ludikoetan joko mekanismoak aplikatzeari deitzen zaio gamifikazioa, hots, jokoaren
ezaugarriak gure testuingurura, aplikaziora edota ekimenera pasatzea. Era horretan, gure
langaiak jokoaren balore positiboak barnera ditzan: motibazioa, kontzentrazioa, esfortzua,
leialtasuna edo talde izaera kasu.
Jokoak erakargarriak dira, asialdiarekin lotzen ditugu eta helburua denbora tarte on bat pasatzea
izan ohi da. Izaera guztiz positiboa dute eta Korrika bezalako proiektu batek, potentzial handia
dauka jokoaren esparruari etekina ateratzeko.
Jokoak kasualak edo entretenigarriak izan daitezke, online edo offline, gazteei edo helduei
zuzenduta egon daitezke; edota guztia nahas daiteke hibridazioaren bidetik. Esaterako,
bideojokoen erabitzaile potentzialak gaur egun, gazteak direnez, gazteen konpromisoa eta
inplikazioa, hots, engagementa, areagotzeko tresna izan daitezke eta bide batez, bideojokoen
merkatu zabalean hizkuntza gutxituen presentzia handituko luke tankera horretako produktu berri
batek.
BIDEOJOKOA
Bideojoko batekin 18. Korrikak euskaltzaleon aisialdi digitalean lekutxo bat egingo luke eta era
horretan, bideojokoen euskarazko eskaintzan bere aportazioa egin. Halaber, tresna honen bidez,
5. erabitzaileak Korrikarekiko lotura emozionala sendotuko du bere asialdian eta era guztiz
ludikoan.
Gaur egungo teknologiak nahi duzuna sortzeko aukera eskaintzen du eta bideojokoen esparrua
etengabeko garapenean dago bide horretan. Garapenak eta bideojokoen tematikaren zabalpenak
era guztietako jokoak plazaratu ditu azken aldian eta ondorioz, bideojokoen erabitzaileak ere gero
eta gehiago dira.
Korrikak ere bere ekarpena egin beharko luke esparru honetan, baina nola? Zer lortu nahi da
bideojokoarekin? Erabiltzaileek ondo pasatzea? Elkarren artean, kolektiboki zerbait lortzea?
Euskara ezagutzen gozatzea? Helburua zehaztu behar da eta aldi berean, azken
proposamenaren zailtasun teknikoa kontuan hartu, baita horren kostu ekonomikoa.
Bideojokorako ideiak :
● Interakzioa amu bezala erabili daiteke joko antzeko bideo pieza bat sortzeko. Teknikoki
errazena litzateke. Bideo formatua izango luke eta Youtube bidez jokatuko litzateke, ez
luke apprik izango.
Tankera honetako bideoa: http://www.youtube.com/watch?v=QyQ1W5GD6D8
Korrikara nola egokitu ideia? Esaterako... Non dago lekukoa? Non ikas dezakezu
euskara? Bilatu Korrikaren adierazleak? Bilatu zure dorsala?
● Lasterketa batean oinarritutako bideojokoa, herrien arteko edota partaideen arteko
lehiakortasuna bultzatuz. Mugikorretarako, ordenagailuetarako zein tabletetarako
egokitutako bideojokoa litzateke. Garatzeko kontaktua : Delirium Studioseko Arturo
Monedero. Momentuz lehen kontaktua egina dugu Delirium Studiosekoekin baina ondo
pentsatu behar da nola sintonian jarri bideojoko sinple hau eta gainontzeko euskarriak
eta balore eta filosofia berbera mantendu. Abantailak: gazte jendea, teknologia eta
euskara hirukotea batzea!
Alde teknikoa : Azken produktuak baldintzatuko du alde teknikoa. Ez da gauza bera bideo
interaktibo batean oinarritutako bideojoko bat gauzatzea edota ordenagailuetarako,
mugikorretarako edota tabletetarako egokitutako bat sortzea.
Kronograma :
● Noiz publikatzeko? Gabonetan, urte hasieran?
● Urratsak:
Bideojokoa diseinatu
Bideojokoa produzitu
Proba
Nork egin dezake? :
6. ● Profesionalak beharko dira : Delirium studios?
● Basquegame elkartean, bideojokoen enpresak biltzen dituen elkartean, hainbat enpresa
daude : http://www.basquegame.org/asociados/
EUSKAL HERRIKO GYNKANA
Euskal Herriko gynkana erraldoi bat egin daiteke 18. korrikan. Korrika Kulturalaren parte izango
da, Euskal Herri osoan zehar jokatuko da eta hainbat osagarrik osatuko dute: parte hartzaileak +
tokiko hedabideak + teknologia berriak. Lehiaketa bat izango da eta eskualdekako kanporaketak
egingo dira, azken jokorako zazpi herrialdeetako ordezkariak lortzeko helburuarekin.
Euskal Herri osoan zehar garatuko den jokoa denez, Korrikaren webgunean argitaratuko den
informazioaz gain (argazkiak, bideoak, atal propioa ere izan dezake gynkanak), tokiko
hedabideak inplikatu beharko dira.
Parte hartzaile guztiek Korrikaren kamiseta soinean dutela jolastu beharko dute, horixe izango da
baldintza bakarra. Horrela, kamiseten salmenta bultzatzen da eta jokoak zein Korrikak
ikusgarritasuna irabazten dute.
● Hasiera:
Taldeak osatuko dira, euskaltegietatik edota herrietatik. Korrika Kulturalaren parte izango denez,
agian herri batzuek interesgarritzat jo dezakete herriko gynkana osatzea. Hau da, euskaltegi
batzuetan talde bat baino gehiago egongo da edo herriko elkarteek parte hartzeko gogoa izan
dezakete. Horrela izanez gero, lokalki ere gynkana txikiak antola daitezke eta festa giroko joko
horietatik aterako da herriaren ordezkaria izango dena.
Lehen fase honetan eskualdekako kanporaketan lehiatuko diren herrietako taldeak osatu beharko
dira. Osaketa horretarako herriko gynkanak egiten baldin badira, herri bakoitzak antolatuko du
berea bere erara: herri kirolak, dantza, ur jokoak, bertsoak...
● Eskualdekako kanporaketak:
Eskualdekako kanporaketak, eskualdearen arabera, egun osoko festa bihur daitezke.
Kanporaketa horietan, eskualde bakoitzak bere jokoak plantea ditzake eta modu horretan tokiko
errealitatera egokitutako gynkanak sortuko dira. Hala ere, teknologia berriekin lotutako probaren
bat gehi daiteke kanporaketa guztietan, esaterako QR kodeekin lotutako probaren bat, errealitate
areagotua, geolokalizazioa...
● Azken jokoa:
Azken jokoan parte hartuko duen talde bakoitzak bere aurkezpen bideoa bidali beharko du,
7. mugikorrarekin grabatutako pieza izan daiteke eta talde guztien bideoak Korrikaren webgunean
izango dira ikusgai.
Azken jokoa dagokion espaziora egokituta diseinatuko da eta teknologia berriak erabiliko dira
bere diseinuan. Altxorraren bila edo orienting tankerako jokua izango da.
Behin jokoaren amaierara iritsita, ezinbesteko galdera, eta zein da saria? Taldeka jokatuko
denez, talde osoarentzako saria izan beharko da. Demagun, bazkari bat, egonaldi bat... Edo
bestela saria Korrikan baliotsua den zerbait izan daiteke, esaterako, hurrengo edizioko lehen
kilometroa korritzea edo azkena...
Kronograma:
Kronograma zehazteko, lehenik eta behin azken jokoaren eguna definitu behar da. Korrikaren
azken eguna izan daiteke, Baionan. Baina agian, egun horretan lan nahikoa izango da gainera,
gynkana ere gehitzeko. Dena dela, azken data horren arabera zehaztuko dira kanporaketak eta
herriz herriko jokoak.
Hori bai, azken jokoaren diseinua, gynkana hasi baino lehen aktibatu beharko litzateke.
Nork egin dezake? :
Herrietako euskaltegiak arduratuko lirateke herriz herriko eta eskualdekako kanporaketetaz. Eta
azken jokoa era AEKren ardura izango litzateke.
Jokoa diseinatzeko lan talde bat osatu beharko da eta aldi berean, Euskal Herriko gynkanak
ahalik eta ohiartzun handiena izan dezan, burutzen diren ekintza guztiekin batera, hau ere,
Korrikaren komunikazio kanpainan sartu beharko da.
LEHIAKETAK
Lehiaketak parte hartzea eta inplikazioa bultzatzen dituzte eta aurreko edizioko esperientziak argi
adierazi zuen, Korrikak baduela euskaltzaleen parte hartzea bultzatzeko eta bideratzeko
potentziala.
● Euskalaklip : berriz egingo da?
● Euskalaketa : berriz egingo da?
● Lipdub lehiaketa : aurten lipdub lehiaketa proba daiteke, taldekako mobilizazio handiak
● Flashmob lehiaketa : aurten flashmob lehiaketa proba daiteke, taldekako mobilizazio
handiak
3 CROWDFUNDING
Crowdfunding azken aldian bogan dabilen terminoa da baina funtsean, Euskal Herrian
8. aspaldidanik egin izan duguna besterik ez da: proiektu zehatz baten aldeko dirua batzeko sare
bat osatzea, auzolanean burututako finantzazioa.
Aldagai berritzailea Internet da. Sareak, diru bilketa erraztu eta esponentzialki hedatzen du.
Korrikak ere bide garaikide hau aprobetxatu beharko luke, kilometro fisikoak saltzeaz gain,
kilometro birtualak ere saltzeko eta modu horretan, finantzazio bide berriak irekitzeko.
RUNFUNDING
Hitz joko bat eginda izena egokitu dakioke formulari baina nolanahi, Korrikaren webgunean
kokatu beharko litzateke kilometro birtualak erosteko ataria. Eta noski, kilometro birtualen
salerosketaren publizitatea egin norbanakoak inplikatzeko.
17. Korrikan abiatutako Ziber Korrikari, edizio hartan izandako esperientzia oinarri beste buelta
bat eman dakioke agian.
Korrikaren kilometro fisikoak elkarte, talde edota izaera kolektibodun multzoen izenean erosi ohi
dira. Kilometro birtualak aldiz, norbanakoaren izenean erosteko proposamena izango dira. ‘Erosi
zure kilometroa!’. Kilometro bakoitzari prezio bat ezarri ahal zaio edo bakoitzari libre utzi bere
ekarpena. Eta erronka modura plantea daiteke; hasierakoa aurtengo Korrikaren kilometro
kopurua izatea litzateke logikoena.
Dirua jasotzeko hainbat modu daude: banketxean diru sarrera burutzea (ez da erosoena
erabiltzaileentzat) edota internet bidezko ordainketa esaterako.
Kilometroak erosi dituztenei nolabaiteko ordaina, esker ona edota saria emateko zerbait pentsatu
beharko litzateke. Ideiak: euren izenak zerrendatzea, ordainketa egiterakoan argazki bat
bidaltzeko eska daiteke eta euren argazkiarekin mosaiko erraldoi bat egin daiteke (behin korrika
amaituta etxean jasoko dutena edo ez, pantailan bistaratuko dutena eta listo).
Azken edizioan ziberlekukoa erabili zen ziber korrikaren lotura bezala eta Internet bidez Korrika
mundu zabalera hedatzeko aukera dagoenez, mapa interaktibo batean kokatu ziren ekarpenak.
Mapa oso elementu ikusgarria da.
KORRIKA LAGUNTZAILE TXARTELA
Aurreko puntuan aipaturiko kilometro birtualen salmenta Korrika laguntzaile txartelaren antzeko
ekimena da. Norbanakoei zuzendua dago eta ekimena diruz laguntzen dutenek, trukean, zerbait
jasotzen dute.
Azken edizioan legez, aurten ere, Korrika laguntzaile egiteko aukera webgunean txertatu beharko
litzateke.
9. FINANTZIAZIO GAMIFIKATUA
Helburua dirua lortzea izan arren, diru bilketa era ludiko batean egin daiteke joko baten bidez.
Ideiak :
● Euskal tonbola antzeko bat online
● Porra birtual bat
● Apustuak online
● Galdera bidezko jolasa/proba : Tankera honetako galderak... 18. Korrikako mezua nork
irakurriko? Zenbat pauso ditu ibilbide osoak? Zenbat korrikalari bilduko dira Bilbon,
Amezketan, Trebiñun...? Osatu bertsoa ‘eman euskara elkarri’ azken esaldia izanda...
4 MOBILIZAZIOAK
Korrika berez da mobilizazio erraldoia Euskal Herri mailan. Daukan mobilizazio potentziala
probestuta lasterketa baino lehen indar erakustaldi erraldoi bat burutu daiteke. Demangun
Durangoko azokan.
LIPDUB/FLASHMOB
Biek inplikazio sozial eta parte hartze handia dituzte ezaugarri. Eta biak bideo euskarrian
jasotzen dira gero sarean elkarbanatzeko.
Euskal Herri mailan erreferentziala izango den mobilizazio erraldoi bat burutu daiteke. Aurretik
ongi diseinatua, deialdi zabala landuz, euskara elkarri emateko elkarretaratze handia izan dadila.
Motorrak berotzen hasteko abiapuntu zinez ikusgarria litzateke.
5 PUBLIZITATEA
Publizitatea euskarri askotan gauzatuko da ohi bezala: Kartelekin, markesinetan, egunkarietan,
interneten, irratian, telebistan, produktuetan eta produktuak erabilita (Baque, Eusko Label,
Kaiku...)... Aurreko edizioetan lan egindako bideei aurten osagarri berri bat gehitu beharko
litzaieke: webgunea. Korrikaren webgunearen publizitatea egin beharko da, webgunea izan dadin
gertatuko den guztiaren isla eta ondorioz, erreferentzia nagusia. Beraz, iragarki guztietan
sartzeaz gain, egun bogan dauden QR kodeak erabili daitezke:
● QR kodeak : Kodeak erabiltzailea webgunera bideratuko du (edo erabakitzen den lekura,
atal zehatz batera, bideo batera...). Komunikazio kanpainaren hasiera, webgunea
ezagutzera emateko QR kodedun pegatinak itsatsi daitezke han hemen.
Diseinudeigarriarekin eta zehatz methaz zer den azaldu gabe, iradokiz.
10. 6 WEBGUNEA
Orain artekoa erakusleiho hutsa izan da, aurten pauso bat aurrera egin behar da. Webgunea
Korrikaren jarraitzaileentzako erreferentzia bihurtu behar da eta parte hartzaileek argzkiak,
bideoak eta iruzkinak elkarbanatzeko plaza izan behar da. Ezinezkoa da Korrikaren inguruan
Interneten sortuko diren elkarrizketa edota eduki guztiak Korrikaren atarian zentralizatzea baina
orriak, hortarako aukera eskaini behar du eta interakzioa bultzatu, errreferentzia berau izan
dadin.
18. Korrikaren islada izan behar du webguneak, hots, osotasunaren ispilu. Korrika kulturala,
Korrika txikiak, lasterketa, jolasak, bideoak, kantuak, argazkiak, denda, ziber korrika... eta horrez
gain, jarraitzaileentzako plaza.
Web gunean kokatu nahi den guztiaren zerrenda egin beharko da hasteko, atalak definitu,
lehentasunak zehaztu eta horri forma eman; hots, informazioaren arkitektura definitu.
Atal bereziak:
● Erabiltzaileen atala : erakusleihotik webgune kolaboratibo, ireki, parte hartzaile eta
interaktiborako jauzia egiteko ezinbestekoa da jarraitzaileei parte hartzeko bideak
eskaintzea. Oinarrizko hiru bide:
○ Iruzkinak : Jarraitzaileen mezuak jasotzeko, beraien arteko elkarrizketak sortzeko,
edukien inguruko iritziak batzeko, elkartasun mezuak uzteko... iruzkinak lagatzeko
bidea ireki behar da.
○ Argazkiak : Jarraitzaileek argazkiak bidaltzeko modua eskaini behar da. Korrikak
Flickr kontua izango du, hortaz, egokiena erabiltzaileen argazkiak Flickr kontu
horretara bideratzea litzateke; horrela, material grafiko guztia plataforma
bakarreran zentralizatuko baita.
○ Bideoak : Jarraitzaileek bideoak bidaltzeko modua eskaini behar da. Korrikak
Youtube kontua izago du, beraz, argazkiekin bezala, kasu honetan ere, Youtube
kontuarekin lotzea ltzateke logikoena. Horrela, material guztia leku berean
kokatzen da eta sareko beste tresna bat izaterakoan gure webgunean material
gutxiago kokatuko da eta pisu gutxiago izango du, nabigazioa azkarragoa izango
da.
** Erabiltzaileen bideo eta argazkiak jasotzeko bideak : eposta bidez, web formulario baten
bitartez, erabiltzaileak erregistratzeko aukera eskainiz... egokiena zein den aztertu behar da.
● Mapa interaktibo baten bidez lasterketa jarraitzeko aukera : mapan zehar nabigatuta,
11. erabiltzaileek, Korrikak edota hedabideek ateratako argazki eta bideoen bidez
lasterketaren nondik norakoak jarraitzeko aukera.
● Bloga edota bideobloga : euskara ikasleek, antolatzaileek eta parte hartzaileek edukiak
sortu eta elkarbanatzeko leku/modua. Blog autore (blog bat baino gehiago) edo post
autore (blog bakarra, autore bat baino gehiago) bakoitzak bere informazio pertsonala eta
euskara ikasteko arrazoiak zein helburuak aipa ditzake eta nola daraman, bizi duen
ikasketa prozesua nolakoa den. Bideo post horiek TBrako eguneroko saioan ere erabili
daitezke.
● Ekimen berezien araberako atalak : aurtengo edizioan burutuko diren ekimen berriek
edota bereziek atal propioa izan beharko lukete, bisibilidadea emateko eta
ezagutarazteko.
KORRIKA APPa
Mugikor eta tabletetarako appa, android zein IOS sistemetara egokitua. Bertan minutuz minutu
lasterketa jarraitzeko aukera eskaini daiteke, informazio osagarria: historia, leku interesgarriak,
herrietako ekimenak...
7 SOCIAL MEDIA ESTRATEGIA
Korrikaren azken edizioan, hamazazpigarrenean hain zuzen, sare sozialen aldeko apustua egin
zen lehen aldiz. Lehen esperientzia hartan, social media estrategiak ezaugarri hauek izan zituen:
● Webgunea izan zen oinarria. Webgunean publikatzen zen eta gero, sare sozialen bidez
zabaldu.
● Edukiak webgunean publikatzeko hainbat tresna sozial erabili ziren:
○ Youtube, bideoak
○ Flickr, argazkiak
○ Livestream, zuzeneko streamingak
● Interakziorako aukeratutako sare sozialak : Facebook eta Twitter. Bi sare horietara
informazioa era automatizatuan gehitzen zen (salbuespenak bideoak) eta bide hau egiten
zuen : Webgunea > Facebook > Twitter
Webgunean publikatzen den guztia sare sozialetan barreiatu behar da, noski, weba delako
erreferentzia bezala saldu nahi duguna eta beraz, gure jarraitzaileak bertara bideratu nahi
ditugulako baina sare sozialetako publikazioa ez da automatizatu behar!! Horrek lana erraztu eta
azkartzen du, egia da, baina edukiari balioa kentzen dio ez baita sarrera dagokion mediora
pertsonalizatzen eta errentagarritasuna galtzen da.
Sare sozial bakoitzak bere ezaugarriak ditu eta horiek kontuan hartzea ezinbestekoa da bertan
12. aritzeko. Esaterako, Facebook sarean egunean 4 eguneratze baino gehiago egitea gehiegizkoa
da eta Twitteren aldiz, 4 gutxi dira. Halaber, eduki bera ez da modu berean partekatuko bietan,
bakoitzak bere berezitasunak izango ditu.
Sare sozialetan aritzeko estrategia bat definitzea ezinbestekoa da.
Lehenengo erabakia : zein sare sozialetan arituko gara? Zertarako erabiliko dugu sare bakoitza?
Korrika 18k izango dituen elementu guztiak aurreikusi behar dira sareak erabakitzeko eta
estrategia definitzeko. Behin sareak aukeratuta, bakoitzean aritzeko estrategia definitu behar da.
Estrategia horrek, komunikazio kanpainak lez, bere faseak izango ditu. Ez da berdin publikatuko
Korrikan zehar, lehenago edo beranduago. Hortaz, denboran zehar hainbat estrategia aplikatuko
dira, bakoitza bere helburuei lotuta.
Aurten aplikatzeko oinarrizko irizpideak >
Prozesua ez automatizatu
Sareak aukeratu eta horien ezaugarrietera egokitu
Elementu guztiak kontuan hartuta, social media estrategia egoki bat definitu